कृष्णमणि बराल / पाेखरा
पोखरा : सहासिक खेल प्याराग्लाइडिङका लागि पोखरा विश्वप्रसिद्ध छ । यस्तो खेलमा रुची राख्ने आन्तरिक हुन् वा वाह्य पर्यटक पोखरा आएपछि प्याराग्लाइडिङमा रमाउन छुटाउउँदैनन् ।
सन् २०१० नोभेम्बर १६ मा पोखरा आएका बलिउड अभिनेता इरफान खानले पनि पोखराको सराङ्कोटमा पुगेर प्याराग्लाइडिङ गर्न छुटाएनन् । खानले प्याराग्लाइडिङबाट पोखराको आकाशमा उडेर पोखरा बजार, फेवाताल र अन्नपूर्ण हिमश्रृंखलाको अवलोकन गरेका थिए ।
- पाेखराको आकाशमा सन् २०१० को नोभेम्बर महिनाको १६ तारिखमा प्याराग्लाइडिङमा उड्दै र अवतरण पछि कुरा गर्दै बलिउड अभिनेता इरफान खान ।
तस्बिरहरु : कृष्णमणि बराल
पोखराको फेवाताल किरनारमा अवतरणपछि उनले पोखराको आकशबाट देखिने ताल, पोखरा बजार र प्राकृतिक दृश्यले आफू निकै आनन्दित भएको उपस्थित पत्रकारलाई छोटो प्रतिक्रिया दिएका थिए । बलिउड अभिनेता इरफान खानको ५४ वर्षको उमेरमा निधन भएको भारतीय मिडीयाले बताएका छन् । अभिनेता खान कुशल अभिनयका लागि चिनिएका छन् ।
- १७ वैशाख २०७७ मा अन्नपूर्ण पाेष्ट राष्टिय दैनिकमा छापिएकाे ।
Leave A Comment